特首盃認住呢隻鷹

不死鸟

開鑼起動，全城哄動！不過開鑼日出馬竟然有部份場合出現冷場，就連全日重頭戲——特首盃只得11駒參賽，根據慣例，馬少場合更加易出現唔正常賽果，還記得早前寫過一篇《高班短途熱門易死火》，上季在高班短途賽泛指1000至1200米，經常出現大冷門賽果，今次焦點勢必落在「紅衣司令」、「陽明好好」一對蔡?馬身上，小心為上呀老友！
「紅衣司令」賽績唔使多講，上季4捷1200米由64起步急漲至111分幾乎一倍，然而本身並未贏過1班賽事，一季多捷始終需時消化評分，熱得過份棄不足惜；?侶「陽明好好」情況大同小異，去季尾一仗卻大敗收場，我不看好。個人鍾情「君皇鷹」，上季竟然要食白果，偏偏評分卻幾乎原地踏步，在打�项A賽一戰幾乎撼低「首飾奇寶」，季初藉新鮮感跑1200米勉強可應付，同場既有「電光能源」、「無敵神駒」扯快步速，A欄一向利追，大摩揚言今季再做最高獎金王，「君皇鷹」冷門博得過。