勞愛德有力上位

不死鸟

日前談及季初馬圈形勢，睇好告東尼馬房不會像上季般脫腳，今季東?雖然在8月1日才正式復操，比其他馬房遲了一至兩周，但馬匹快試課期充足，而且季內合共試了6次大閘，包括5次泥閘，和上周六的嘉年華草閘，此?共遣37駒出試，數目之多乃各?之冠，?主擺明藉試大閘來省馬，看來有心在季初搶攻，其中開鑼日報名馬「尚兄」、「歡騰」及「無敵神駒」3駒做足工夫而來，絕對有力爭取跨季孖寶。
另外，今季騎師陣容變化不大，其中南非老將勞愛德，上季尾段才加入戰團，旋即站穩陣腳，短時間內取得9冠16亞10季佳績，當中策「精彩生輝」及「沙貝利」等駒建功贏盡口碑，今季開操後勞愛德更是第一位復課的外籍騎師，主力替蔡、姚、苗等三?操馬，深得各位練馬師信任，而且記憶所及，此位老將每日準時到場操馬，連周日亦不例外，記得昔日高雅志也是以勤力見稱，相信勞愛德得到各華洋倉口支持，及可策輕磅馬上陣下，成績勢可更上一層樓。