史浩克攻細啞火「遜」唔過

猪拉多纳

史浩克04今晚喺德甲主場對慕遜加柏，係佢哋1個星期內踢嘅第3場比賽，而且陣中傷兵滿營，有份落場嘅球員隨時踢到腳軟，最慘係射手亨特拉爾要繼續坐波監，前線唔似撻得着，再追1.88倍入球細有着數！

（有線61、201及中央5台周六凌晨3:30直播）
慕遜加柏近兩場開細

現時史浩克嘅傷兵名單上，前鋒奧保基、中場達斯拿、馬高賀查同哥列斯卡唔踢得，前線得番祖普莫亭攻堅嚴重拖低佢哋嘅攻擊力，雖然射手亨特拉爾經上訴後，6場波監減到4場，弊在計埋周中史浩克1:1打和拜仁慕尼黑後，佢仲要坐多3場波監，。另邊廂嘅慕遜加柏連續3次作客史浩克都係開細，而且對上兩場比賽都係入得1球，今場唔慌多波入咯。