喜盛龍再接再厲

不死鸟

剛戰上周六賽事，有5個馬房開齋，包括係梁定華、方嘉柏、胡森、告達理及蘇保羅，現時仲有3個馬房未開齋，五個賽事仍未有頭馬交出，相信練者會有點壓力，估計未來賽事必會加把勁，希望盡快取得頭馬舒緩壓力之外，運氣轉順繼而再取得頭馬。
上周六賽事，姚本輝出6駒取得3Ｗ成大贏家係眾練之冠，其次係方嘉柏馬房只出5駒起孖兼有一亞亦表現出色，方仔經過第五次賽事終取得頭馬打破悶局，以其急先鋒性格必然繼續進取，就以今次國慶日賽事為例，馬房出馬多達12匹，當中國慶盃四駒列陣，第十場三駒同場參戰，馬海戰術睇�a志在必得，而今次賽事他馬房12匹參戰馬，練者將兩張王牌用係「喜盛龍」及「競駿精英」，相信必然係出擊目標，而筆者今次推介列陣第九場「喜盛龍」給馬友參考，覺得此駒贏面甚高。
「喜盛龍」開鑼日出戰3班1400米得第三，該役所見其狀態頂多得八成，但能與實力甚高頭馬「海王子」及亞軍馬「金添好運」同到，只係僅輸短頭得第三，在狀態未十足下有此出色表現，顯見牠恃質搭夠，難怪賽後被加兩分，而牠經過一場實戰後，勇態攀升甚佳，日前與?侶「贏馬組合」拍跳走來出腳爽勁，有火有力，態況露勇明顯勝過上回，杜利萊鍥而不捨，練者動用王牌上陣，決心補中昭然若揭。