不言而喻乘勝追擊

不死鸟

今季告東尼和蔡明紹這對師徒的鋒芒可謂一時無兩，現時他們攜手勝出6場頭馬，比起大摩與白德民的組合還要贏多一場，可知今季東、紹師徒絕不簡單，難怪告東尼成日口口聲聲話要捧徒弟仔做冠軍騎師，此一席話絕對唔係講笑，更是有實際行動支持。
今次國慶賽馬日，東?可謂強兵列陣，似乎有心想在國慶日露一露自己的兵力有多強，隨時連場數胡絕不出奇，而列陣第一場「松林之星」應可為東?先拔頭籌。此駒於開鑼日出戰4班1200米，當時負於「駕寶」和「高風格」蹄下得第三名，剛周六這對冠、亞軍馬分別再上陣皆贏馬，就知「松林之星」負於牠們蹄下雖敗猶榮，更可知這匹東?馬實力不錯。
今仗此駒再戰1200米，本身仍在4班作賽，當然有利可圖，加上同場已無高質馬在陣，取勝機會自然提高，而是次更用上王牌報名，反映有決心想補中贏馬，當然要優先考慮。至於告東尼贏馬應該一不離二，第三場的「不言而喻」亦大有機會取得連捷。