羅斯托夫「大」戰火車頭

猪拉多纳

（日）33 羅斯托夫 Vs 莫斯科火車頭

俄超重開之後，焦點除咗係辛尼特能否重奪失落兩季嘅錦標，仲要睇吓羅斯托夫能唔能夠逃出生天。呢支包艇隊伍喺歇冬期間班咗足足6位雷霆救兵返嚟，怪唔之得門將兼隊長派迪高沙話，有信心隊波可以成功護級啦！
護級救兵有卡士

羅斯托夫呢班新兵入面，以今季攻入7個聯賽入球嘅迪斯奧巴最有「卡士」，由佢拍住迪米治普路斯攻堅夠晒睇頭。之不過咁，霎時間咁多新兵，建立默契都要時間，況且今仗對手莫斯科火車頭歇冬前保持連續11場不敗，點睇都唔似會輸畀羅斯托夫。既然羅斯托夫有迪斯奧巴壓陣，火車頭就有柏夫里約真高孭飛，兩大名牌射手鬥法，捧2.35倍入球大似乎最好路。