柏達邦受讓遜得過

猪拉多纳

靚女歌手「慶功演唱會」撐護級

今晚德甲有場望落強弱懸殊嘅比賽，護級分子柏達邦會喺主場迎戰歐聯代表利華古遜，近況勁曳嘅柏達邦賽前注入一支「另類強心針」，靚女歌手費殊雅話如果柏達邦護級成功，就會喺季尾為佢哋開場「慶功演唱會」喎！今場對住近期明顯「收火」嘅利華古遜有力偷雞，受讓半一1.97倍「下盤」可期！

（有線61、64 、201及203周一凌晨0:30直播）
利華12日4戰輸體能

柏達邦近6場聯賽有5場交白卷，鋒力不足毛病睇怕一時三刻都唔易解決，教練比頓尼特賽前都暗示今場要先「止血」，似乎會以1分為目標，為咗唔好嘥咗靚女歌手費殊雅嘅好意，今場點都要踢爭氣波。

利華古遜一向畀人嘅感覺係火力勁，不過佢哋為應付德甲、歐聯同德盃3條戰線，近期大踢穩陣波冇下下去盡，近3場賽事喺90分鐘內只係入得2球，而且今場係利華古遜12日內第4場波，球員體能肯定受影響，客途出戰又要打折扣，點計都覺得柏達邦受讓半一嘅下盤最划算。
頂占筍盤：柏達邦（下盤）