小保加主場o趙魚腩

猪拉多纳

FC薩莫拿係水貨一哥

阿根廷班霸小保加喺聯賽開咧後順風順水，點知上輪作客高隆竟然贏形勢和波，激到教頭阿路巴連拿紮紮跳，話明喺聽朝南美自由盃E組迎戰「魚腩」FC薩莫拿要「糾正錯誤」，班球員收到柯打點敢揸流攤，梗係揀1.57倍「讓主」。

（開賽時間：周四早上7:00）

小保加上場被高隆逼和，箭頭奧斯華度頻頻失機係原因之一，但佢女友日前喺布宜諾斯艾利斯遭持械行劫，奧斯華度更因而請假缺席操練，踢落心不在焉亦情有可原。好在其後證實只係財物損失，奧斯華度可以再度專注搏殺，拍住近3場聯手貢獻4球嘅桑馬天尼斯同卡里利數胡，火力夠晒保證。
薩莫拿自由盃作客1和6負

FC薩莫拿雖為委內瑞拉超聯一哥，弊在佢哋喺國內就也文也武，但每當離開自己地頭踢自由盃都未掂過，連同今屆首輪分組賽不敵蒙特維多流浪，過去7場僅得1和6負，當中5場更係吞蛋收場，今場造訪同組最強嘅小保加，睇怕想輸少當贏都難咯。

自由盃E組
賽制

自由盃：現為分組賽階段，32隊分8組，每組4隊進行雙循環比賽，每組首名及次名晉級16強。

墨盃：今輪為8強階段，法定時間內打和，即互射12碼決勝。