國米斬瓜「切塞」求大捷

猪拉多纳

意甲 3:45 （日）49 國際米蘭 Vs 切塞納

國米今晚喺意甲主場迎戰切塞納，睇怕會贏番場好好睇睇，原因係「藍黑兵團」高層放風想踢走長友佑都，取而代之收購FC廣州嘅張琳芃頂佢個位，明顯係想引入中國資金代替來自日本嘅贊助，據講呢個建議已經過咗教練文仙尼嗰關，呢個時候梗係要攞場清脆嘅勝仗開「讓主」，吸引多啲中資「送上門」啦！

（TVB301台周一凌晨3:45直播）

長友佑都今季長期受傷患困擾，已經冇乜表現，而且國米班高層認為今時今日搵人民幣贊助似乎仲好景過日圓，所以決定斟介張琳芃吸引多啲中資贊助。除此之外，喺3月9號會慶嘅國米近3場未贏過，在情在理今場都係時候交貨，相信傷兵滿營嘅切塞納都係等劏。