FC悉尼墨爾本城鬥入波

猪拉多纳

真高勁旺 大衞威廉斯破入球荒

澳職今日有入球高手大對決上演，FC悉尼喺主場對墨爾本城，兩大中鋒真高同大衞威廉斯會正面對撼，大家知啦，悉尼射手真高踏入2015年後旺到難以想像，對面嘅大衞威廉斯近排又開始上力，咁嘅情況今場梗係要追1.65倍入球大啦！

（有線64及203周五下午4:40直播）
真高連續7場入波

唔係講笑，FC悉尼喺2015年有6勝2和，現時正為常規賽冠軍而戰，計埋上星期主場以5:4打沉布里斯班獅吼梅開二度，真高更加已經連續7場入波，證明佢喺澳職超晒班。對手墨爾本城仲爭緊季後賽資格，可翼可鋒嘅大衞威廉斯打破長達３個月入球荒，加上後衞干洛卓文停賽，後防實力削弱更易開入球騷。