羅馬讓波明醒里

猪拉多纳

傷兵多12次主場不勝

復活節假期，意甲上演連場激戰，最矚目之戰必數羅馬主場對拿玻里，以及費倫天拿主場對森多利亞。四隊為爭下屆歐聯入場券打崩頭，羅馬雖然位居次席，但球隊傷兵滿營，隊長托迪、射手謝雲奴、中場施度基達都唔踢得；最大鑊係近十二次主場出擊竟然未嘗一勝，猶如中咗魔咒，搞到球員慌失失，今場讓唔起拿玻里，推介讓球客勝。

（TVB 301周六晚6時30分直播）

雖然話今季意甲冠軍九成九落入祖雲達斯之手，但歐聯資格之爭非常激烈，排第二位羅馬同第六位費倫天拿只有七分距離，換言之五隊爭餘下兩張入場券，認真殘酷。羅馬雖然仍有積分優勢，但表現持續低沉，近十一場聯賽僅贏兩場，繼續失分的話遲早前三不保。教練魯迪加西亞最頭痛係多位主力頻頻受傷，精神領袖托迪又唔踢得，拍檔謝雲奴亦要抖，加上攻守兼備嘅施度基達、右閘馬爾干養傷。迪羅斯雖剛傷愈，但狀態成疑，人腳天殘地缺想翻身都有心無力。
拿玻里鐵三角托弗

第五位拿玻里落後羅馬六分，今仗係拉近雙方距離最佳機會，勢必當生死戰咁踢，爭勝戰意肯定比對手強。拿玻里勝在中前線人腳強勁，進攻鐵三角希古恩、荷西卡利祖、咸錫加埋已攻入二十七個聯賽入球，季中來投嘅加比亞甸尼亦不時有佳作，以羅馬現時頹勢，好難招架得住。拿玻里首循環以2比0擊敗當時仍然大勇嘅羅馬，今仗有得受讓非常抵玩。
森多搵費倫着數

另一場意甲，森多利亞今季演出令人驚喜，近四仗更全勝，包括擊敗羅馬，連帶艾達馬田斯、羅拔圖蘇利安奴入選意大利國家隊。艾達馬田斯日前首次為意軍上陣即入波，腳風非常順，加上有名將伊度奧助陣提升球隊應付大戰嘅經驗，作客無懼費倫。森多受讓半一，下盤相當着數。

（TVB 301周日凌晨零時30分直播）