艾爾切下盤愛得過

猪拉多纳

踢好波吸引白武士填氹

艾爾切家陣水深火熱，隨時成為下一隊「西甲帕爾馬」，為咗吸引買家幫球會渡過難關，今晚喺西甲獨腳戲造訪愛斯賓奴絕對唔衰得，更何況愛斯賓奴近期死晒火，艾爾切要搶分而回唔係冇機，受讓半一捧1.97倍「下盤」。

（開賽時間：周二凌晨2:00）
再搵唔到買家會被扣分

排喺榜下游嘅艾爾切負債纍纍，西班牙傳媒話今個禮拜再搵唔到買家嘅話，會方就會畀罰扣分，到時想逃出生天肯定難上加難，你話唔搏表現踢番場好波吸引買家點掂？守將荷西阿朗素今晚刑滿復出，照計可以令防線穩健番少少。

但查實艾爾切條防線今晚備受嘅壓力唔算大，畢竟主隊愛斯賓奴死氣沉沉，近3場聯賽全部失分之餘，連同西盃在內，佢哋最近4場波都冇波入。就算前鋒沙治奧加西亞自稱已克服大腿傷患復出，但狀態去到邊仍然係一大疑問，況且中場阿巴謙干沙利斯養緊傷，守將艾華路蘇比朗又要坐波監，點睇都唔似讓得起艾爾切喎！