莫迪上番力 夠贏阿里辛特

猪拉多纳

上仗擊敗波杜基林特，成功於聯賽「開齋」嘅莫迪，今晚回師主場鬥阿里辛特。莫迪季前雖有前線主力受傷，但球隊攻力其實冇受到影響，面對仍未喺聯賽打開勝利之門嘅阿里辛特，今仗有望輕取對手，捧讓球主勝。

（周一凌晨零時開賽）

莫迪雖有上季聯賽入咗十球嘅前線主力古白蘭辛因傷缺陣，加上首仗聯賽落筆打三更輸畀奧特足球會，但球隊及時振作，上仗對波杜基林特憑射手奧拿卡馬拉梅開二度，助莫迪以3比1擊敗對手打開勝利之門。莫迪成功「開齋」後士氣如虹，今仗雖有巴根加因傷缺陣，但面對同樣有主將托比莊基頓及費達列卡臣有傷無法上陣嘅阿里辛特，喺實力明顯有距離下有望輕取對手，捧讓球主勝。