《復仇者聯盟》辛尼特侯克擔正開「工」

猪拉多纳

俄超 23:30（日）47 辛尼特 Vs 圖拉兵工廠

《復仇者聯盟2》大家睇咗未呢？如果未，辛尼特今晚喺俄超主場對圖拉兵工廠，各位可以欣賞「變形俠醫」侯克止住咳先，事關侯克鍾意喺球場上瘋狂撕破對手後防，況且辛尼特今季喺俄羅斯盃被圖拉淘汰，上周中又喺歐霸盃出局谷埋成肚氣火，唔開1.6倍「讓球主勝」，擁躉點會收貨呀？

（now670台周日晚11:30直播）
圖拉兵工廠教頭擬跳槽

辛尼特喺俄盃16強加時後以2:3不敵圖拉兵工廠，日前喺歐霸盃8強又臨天光被西維爾踢出局，怕且佢哋家陣全隊波都充滿憤怒能量，最重要係中場懷辛斯夫同中堅加雷啱啱坐完波監踢得番，陣容完整，撞正對家圖拉兵工廠嘅教頭阿倫尼捷夫想跳槽去莫斯科斯巴達，冇晒心機帶波，今仗點揀？大家自己諗啦！