烏甸主場大報復

猪拉多纳

施帥同國米有牙齒印

意甲今個禮拜開快車，打頭陣嘅係聽日凌晨烏甸尼斯主場對國際米蘭。烏甸啱啱喺主場贏咗AC米蘭成功反彈，而家士氣唔錯，今仗續喺主場出擊相信會踢得進取。至於國米仍有機會爭來屆歐霸盃入場券，就算作客都會搶攻爭勝，度士捧大盤！

（TVB 301周三凌晨2時45分直播）

烏甸早前陷入低潮，球隊自3月頭擊敗拖連奴後，連續7場不勝，直到啱啱過去嘅周日凌晨先再喺主場重拾勝軌，以2比1擊敗AC米蘭。烏甸之前雖然成日贏唔到波，但球隊只係輸咗兩場，其餘都係打和，證明班波戰鬥力唔曳。贏咗AC令球隊士氣大振，加上今仗面對國米係主帥施特拉馬斯安尼嘅倒戈戰，相信各球員想幫佢出番啖氣，肯定會踢得更進取。
國米爭玩歐霸實砌

國米踏入4月後有番啲起色，尤其係上輪擊敗羅馬，可見已逐步回復水準。佢哋現時得45分排喺第9位，只落後第5位嘅森多利亞5分，仲有機會搶到下屆歐霸資格。國米今仗雖有後衞祖安古靴美同蘭奴捷亞儲夠黃牌要停賽，但中場悍將加利美度復出，令一班中前場球員可以喺無後顧之憂下搶攻，度士相信兩軍會鬥攻，一於捧入球大。
度士醒你：山度士：前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。