|
|
昨日講咗要贏長途賽嘅7大元素嘅前3項，今日講埋剩番嘅第4至第7項。第4係需要發掘一兩粒新星，英文係Rookie of the year，正所謂初生之犢不畏虎，佢哋嘅鬥心往往能推動其他球員加把勁，以快將於英超封王嘅車仔為例，上年成為最佳新秀嘅夏薩特今年榮升球員先生，法國新仔葛特蘇馬亦令人眼前一亮，意甲一哥祖雲達斯嘅西班牙年輕前鋒艾華路莫拉達，今季表現亦好突出，成為球隊嘅珍貴財產；第5係面對強敵盡量保持唔輸，並要擅煲魚生粥，大家不妨睇番好多冠軍之師，經常僅勝並擸晒3分。
去年10月已貼車仔奪冠
第6係板櫈深度同質素，始終成季流流長，就算頂級球星都會出現高低潮，若然後備席有一班甘當綠葉、來之能戰嘅球員隨時候命，每人幫你攞多幾分，加加埋埋就好和味；最後第7項係係運數，成日話好運好過好波，除咗贏波過程外，仲有傷兵多寡、球證判決等，都能決定球隊嘅走向。
唔講你唔知，永遠唔會馬後炮，Peter早於上年10月喺呢個專欄，就揚言車仔奪冠機會高唱入雲，信不信由你。至於今晚英超熱刺主場對曼城，雙方防守唔多掂檔，相信今仗入球會偏高，玩大佢啦！
金句：要奪聯賽錦標，四五六七宗元素 |
|
金睛卡
发表于 2015-5-3 13:41
变色卡
显身卡