安玻里如有神助要吼

猪拉多纳

費倫歐霸前經常甩轆

錢邊會有人嫌多架，眾所周知英冠球隊賓福特嘅老闆係肥叔世姪，季中佢仲實牙實齒話寧願先喺英冠站穩陣腳，一來自己個主場太細，二來麾下人腳質素麻麻，若果下季真係升上英超的話，唔單止要擴建球場，又要買人增強實力，樣樣都係錢，勉強升班盞搞喎。
賓福特想升值得備忘

不過英超猶如取之不盡嘅「金礦」，好似啱啱「直升」嘅般尼茅夫同屈福特就穩袋1.4億鎊（約16億港元），呢位世姪諗過度過後，覺得就算喺英超玩一季都有着數，唔單止落柯打全力爭升班，更密謀想搵前車仔名宿蘇拿來執教，動作多多，雖然尋日凌晨喺英冠附4強首回合賓福特輸畀米杜士堡，嚟緊次回合不妨（目及）實呢班波。

言歸正傳，今晚重心推介場次係意甲安玻里主場迎戰費倫天拿，雖然雙方排名差成條街，但安玻里近期好運到有啲唔尋常，先係擊敗拿玻里之役出現3個烏龍波，其中兩球係拿軍「送禮」，之後作客拖連奴輪到對方門將柏迪尼，接應回傳竟「撻Q」踢入自己龍門，呢球「驚世老烏」認真難得一見，究竟係咪有人於背後發功呢？肥叔就唔知，但安玻里往往有人莫名其妙地「幫拖」，真係朋友多。何況費倫天拿經常喺歐霸前嘅聯賽甩轆，嚟緊周中又有歐霸4強次回合主場對西維爾，輸緊3粒嘅「紫百合」為咗收復失地，今仗作客安玻里留力唔奇，初盤開出平手盤，不妨捧安玻里。

（周一凌晨零時開賽）
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！