紅軍開魚生粥告別P

猪拉多纳

謝四晏菲路終極戰

爭前四、爭護級，今晚英超對於利物浦球迷嚟講咩都係假，事關「神奇隊長」謝拉特將會告別晏菲路，完場嗰陣實個個「利迷」變晒喊包都似，照計一眾隊友實會搏盡執水晶宮一劑，留番個美好回憶畀隊長。不過考慮到「紅軍」火力唔太猛，敲3.4倍「讓球和」好路。

（now621台周日凌晨0:30直播）
利記送8號波衫蛋糕

謝拉特下季轉戰美職加盟洛杉磯銀河，今晚係佢17年「紅軍」生涯最後一次喺晏菲路出戰，杜莎夫人蠟像館賽前拎咗佢個蠟像喺利市巡遊，會方更喺賽前記者會送咗個8號波衫蛋糕過佢，又炮製紀錄住「謝四」利記生涯重要時刻嘅Cup Cake派畀記者，勁隆重。
水晶宮冇嘢爭4連敗

坦承「唔想聽到完場雞」嘅謝拉特，話老死加歷查叫佢控制情緒咪做喊包，不過就算「謝四」唔喊，相信「利迷」都肯定眼濕濕。呢位「紅軍」Icon過去兩場聯賽都有「士哥」，最後一次喺晏菲路出擊，仲要對住無欲無求兼4連敗嘅水晶宮，「神奇隊長」梗係想攞晒3分想有個Happy Ending啦，唯一考慮係佢哋火力薄弱，要炒起對手有難度，僅贏1粒最似樣。