|
|
澳職王者之戰今日強勢爆發！兩大傳統勁旅墨爾本勝利同FC悉尼將會爭奪澳職總冠軍獎盃，雙方過去分別拎過2次總冠軍，邊隊再拎就會追平布里斯班獅吼3度封王紀錄，肯定會有一番惡鬥！勝利雖擁主場之利，但佢哋喺2010年決賽曾經輸過畀悉尼，加上今季3次常規賽交鋒全部打和，勢均力敵下勝利點讓得起平半，悉尼1.91倍下盤要撐！
（有線64及203周日下午2:00直播）
勝利喺07、09年奪得冠軍，悉尼就喺06、10年封王，兩支球隊都屬澳職嘅班霸級球隊，今次王者戰亦係2010年決賽翻版，當年悉尼憑互射12碼贏得總冠軍，唔講唔知，勝利教練梅斯卡特就係當年其中一個12碼宴客嘅球員，呢隻「心魔」隨時會影響佢今場嘅判斷。
勝利前鋒貝利沙同中場米利根早前因感冒缺練，好彩賽前有消息話佢哋應該可以上陣，除咗門將尼敦高爾同中場佐敦布朗養傷外，其餘主力都可以候命；悉尼方面亦有守將奧尼洛夫斯基同箭頭哥利加美路等人休戰，但以悉尼近14場狂入41球嘅強大火力，絕對有力同勝利抗衡。
兩隊波今季常規賽3次交鋒，竟然全部都係和波收場，上年11月先係打成0:0，之後喺12月同今年2月連續兩場踢成3:3，雙方實力可以話係半斤八両，今場決賽大家都唔敢冒險，隨時會打得比較穩陣，悉尼受讓當然玩得過啦！
頂占筍盤：FC悉尼（下盤） |
|
金睛卡
发表于 2015-5-17 12:25
变色卡
显身卡