阿仙奴精簡人手要反

猪拉多纳

雖然阿仙奴暫未有球員離隊消息，但艾朗藍斯、禾確特等走人傳聞滿天飛，主帥雲格暗示今夏會精簡人手，以佢哋近3仗未贏過嘅頹勢，又有英格蘭足總盃決賽後顧，今晚有主場之利亦未必咬得入弗到漏油嘅西布朗，捧讓球客勝。

（now 624周日晚10時直播）
留力足總盃讓唔起西布朗

阿仙奴依家領先曼聯3分兼有七個得失球差優勢，基本上已穩入前三直入下屆歐聯分組賽，而西布朗早已上岸，令今仗變成例行公事。儘管阿仙奴暫未有球員走人消息，甚至賽前與老將路斯基續約1年添，不過巴塞想撬走艾朗藍斯代替沙維一事傳到似層層，禾確特因冇正選亦萌生去意。主帥雲格對上述傳言例牌否認，但佢強調陣容人數要啱啱好，睇番兵工廠冇傷冇病情況，中前場確有人滿之患，似係暗示今夏會精簡人手。查實阿仙奴近3場不勝狀態麻麻，下周又要喺英格蘭足總盃決賽硬撼維拉，面對近5仗不敗、包括贏曼聯同車仔嘅西布朗，隨時留力冇本錢讓波，西布朗嘅讓球客勝有3倍咪錯過。