賓菲加炒畀里睇

猪拉多纳

矢志摘雙冠 決賽贏到盡

葡聯盃決賽今晚會喺中立場科英布拉球場舉行，由葡超冠軍賓菲加同排第9嘅馬里迪莫爭冠軍。兩軍剛於上個禮拜先交過手，當時賓菲加喺主場以4比1輕取對手，今仗雖移師中立場交手，但賓菲加今季兩對馬里迪莫皆攻入4球，今仗有望再次大炒對手捧盃，捧讓球主勝。

（周六凌晨2時45分開賽，馬會網上文字直播）

今季取得葡超冠軍嘅賓菲加，上周聯賽已經同馬里迪莫上演呢場葡聯盃決賽前哨戰，結果喺談笑用兵下以4比1輕取對手，前鋒洛迪高利馬同莊拿斯干卡維斯更梅開二度表現非常弗，證明球隊冇因為已經攞咗聯賽冠軍而放軟手腳，擺明係畀啲顏色馬里迪莫睇吓。
馬里迪莫聯賽遭雙殺

馬里迪莫今季表現平平位列中游，葡聯盃冠軍已成為球隊奪冠嘅希望，可惜呢班波實力始終同今場對手賓菲加有一段距離。馬里迪莫今季兩鬥賓菲加皆輸波之餘，更每場畀對手攻入4球，可見球隊面對呢支葡超冠軍係全無招架之力，今仗就算喺中立場科英布拉球場出戰都唔會有驚喜。

再講，葡聯盃決賽賽制係法定時間內和波，就會直接互射12碼定輸贏，估計賓菲加為免夜長夢多，一開波就住馬里迪莫狂攻，務求早早穩住勝局，所以阿謙對賓菲加讓球主勝信心十足。