綠茵勁贏對手弱

不死鸟

鄭雨滇呢期旺氣返晒�a，上周末「心中有程」及「白玉駿駒」起孖兼捧盃， 跟手過澳門贏埋騎師邀請賽，雖然兩萬銀獎金少少�\，但就贏到個勢，好似今次隻「綠茵勁贏」咁，不單個名襯晒，且有富貴逼人之感，有時人行起運上�a，真係唔到你唔信！

綠茵勁贏對手弱

「綠茵勁贏」（下圖）上季早期由滇仔跑過，輾轉由勞愛德開齋，今季輸完換杜利萊再輸，早幾日再換楊明綸試閘，通常畀得佢試閘，一般都會畀佢跑，唔知係因為上周中「萬能駒」講大話單?累事，睇埋「瀟洒叻龍」就唔似，應係師父李易達要佢跑同場隻「名人」，總之就冇得跑「綠茵勁贏」，就係咁落在滇仔手中。或者大家會話，滇仔唔代表贏得，冇錯！滇仔唔係神仙，但佢今年初幫此駒試過兩次閘，已經覺得好鍾意，可惜輸完一場就冇?，如今失而復得，自然會落足心機，再者「綠茵勁贏」屢戰沙田唔贏都近，今回對手大幅減弱，仲要唔會太熱，唔買佢仲買邊隻？