厄瓜多爾玻利維亞攜手做細

猪拉多纳

同組另一仗，於揭幕戰以0比2不敵東道主智利嘅厄瓜多爾將會對住玻利維亞，厄瓜多爾殘陣出戰今屆美洲國家盃，今場即使對住實力較弱嘅玻利維亞都唔易踢，玻利維亞上場摸和墨西哥0比0，一班球員更係打起信心，有力頂住厄軍，今場一於玩入球細！（now 681周二清晨5時直播）
安拿華倫西亞孭晒飛

厄瓜多爾陣中星級戰將路爾斯華倫西亞因傷落選今次大軍名單，連唯一睇頭都冇埋，加上射手卡些度、中場米高阿羅約都受傷患困擾，未有被徵召入伍，上場對智利再有前鋒謝美艾奧維拉傷肌肉，今場肯定缺陣，搞到球隊要靠晒射手安拿華倫西亞單天保至尊。厄軍上場勁少射門機會，全場僅一次射門中目標，可見攻擊力弱得可憐。

成日話玻利維亞離開高原就會腳軟，但上場對住墨西哥一班球員又唔見得喎，玻軍大部分時間專注防守，且表現不俗，成功保住不失兼不敗，對佢哋嚟講攞到1分已係好大嘅成就。預料玻利維亞今場繼續玩死守，以唔輸當贏為目標，加上球隊今場可以夫添出擊，頂住厄瓜多爾並非不可能嘅任務，1.62倍嘅入球細千祈咪錯過。