勁爆力志切交代

不死鸟

第三場第四班1000米。「勁爆力」至今4W全在谷中同程取得，上手賀賢馬房去季用了一季時間替此駒減分，目前在4班角逐肯定已有迴旋餘地，暑期蟬過別枝，薛達志可謂冷手執個熱煎堆。月初角逐同程排12檔，沿途被迫走第二疊，最後仍只係以一乘見負得第四，走勢明顯復甦，今次再跑同程排1檔起步形勢逆轉，再用巫斯義有權重響勝鼓。「超勝」六次渡江不勝有位，但看來實力已見盡，隨時又係以位置交代。「永利多」上次泥地都入位，今次回師主場應有更佳表現。「星光活力」埋門贏草閘走勢引人，對手失準便有機可乘。
第五場第四班1650米。「軍士」來港前已贏至1400米，插班後馬房集中跑短途，務求一邊夠分一邊將狀態跑起，上仗敗後復課備戰嚴謹，排位朝彈課草閘，走勢起步貫注到尾，狀態之佳是來港後首見，今次落班越程跑一哩已見蠢蠢欲動。配腳方面，「發達心聲」及「靚到爆」都是此程健將，揀多匹再埋「魯班精神」。