極品絲綢得勢不饒人

不死鸟

方嘉柏的谷草成績一向突出，現時他更在此場地勝出八場頭馬，是眾練馬師之中在快活谷贏馬最多的練馬師，而明晚又上演谷草夜賽，既然回師主場作賽，方?馬當然值得睇好。今期方仔出馬四匹，其中列陣第七場「極品絲綢」相信是最大機會可為方嘉柏增添頭馬，值得留意。
「極品絲綢」上場初次過江作賽，出戰1650米，本應排在11檔起步極之不利，但韋達將馬匹發揮一絕，起步刻意慢一慢，然後立即切入內欄慳位競走，入直路時雖然曾受阻，但馬匹一望空後即加速甚勁，最後以一個多馬位擊敗再出成功補中的「牛精富星」，取得在港首場頭馬，其表現甚出色。經此一役後，此駒的谷草性能絕不用懷疑，今仗牠再戰谷草一哩，絕對相當合適。
現時此駒在三班作賽，以其上仗的贏馬姿態來看，相信對牠沒有阻力，加上今次排得2檔起步，形勢上比剛戰好得多，韋達在陣上要做的工夫亦容易，兼且現時韋達極需要贏馬，鬥志鮮明下，發揮一定好，相信今仗此馬要再下一城應無難度。