馬體會莊家低估咪走寶

猪拉多纳

尋日講完「西超」巴塞同皇馬，今日就同大家講吓西甲，馬德里體育會雖為爭標分子，但從來未受到「西超」雙雄般嘅重視，因此往往搵到筍盤，今晚「床單兵團」作客硬撼西維爾，佢哋近年交手食住西軍，仲有平手盤咁筍，真係有買趁早。

（now 632周一凌晨2時30分直播）
作客西維爾坐和望贏

老實講，巴塞同皇馬嘅實力於國內高出唔只一籌，被稱為「西超」係有一定道理，不過賠率也因此而被過分唱熱，讓得太辣令投X者卻步。另一西甲爭標分子馬體會，儘管前季打破「西超」壟斷捧走聯賽錦標，絕對唔嘢小，但莊家開盤嗰陣卻始終「手下留情」，賠率未致於去到「西超」般咁乏味。今晚西甲馬體會將會作客豬頭骨西維爾，睇落唔易啃，不過肥叔亦做足功課，睇番佢哋連盃賽近10次交手，「床單兵團」錄得5勝5和不敗佳績，堅有格食格味道，而且以波論波，失血唔少嘅西維爾亦略遜一籌。最重要係，莊家呢場開緊平手盤，堅係坐和望贏格局，肥叔認為佢哋太低估馬體會，亦唔排除愈賣愈熱會轉讓平半，趁住仲未轉盤快啲入貨。

至於肥叔上周貼中嘅維羅納，今晚於意甲作客熱拿亞要掉番轉頭反佢哋，因為熱拿亞嘅特性係主強客弱，呢種情況已持續咗幾季，相信短時間難有改變，況且首輪出閘脫腳，今仗必力爭贏波反彈，小讓平半不容錯過。（周一凌晨2時45分直播）