阿德勝利首騷大駁火

猪拉多纳

今日澳職重頭戲，上季常規賽及季後賽「雙料冠王」墨爾本勝利亮相，作客阿德萊德聯。勝利衞冕第一擊，當然要力爭打響頭炮，但阿德萊德聯搵來巴塞名宿阿摩執教，勢必將「西班牙化」進攻足球再推上一層樓。加上兩隊以往交鋒例駁火，首選入球大。

（有線64、203台周五下午4時40分直播）

阿德萊德聯兩年前請前傑志教練甘巴爾教波，開始推行「西班牙化」，陣中3位西班牙球員柏保路山齊士、沙治奧施里奧、伊沙亞斯，上季常規賽合共攻入22球，踢法悅目，堪稱「澳職巴塞」。前季27場常規賽有18場開大，比率達67%，成為兩支開大最多嘅球隊之一，上季開大比率亦有63%。甘巴爾季前離隊，會方聘請巴塞名宿阿摩接手，希望延續「巴塞式」風格，球隊季前3場澳足盃賽事，合共攻入8球，預料新一季都係「大盤客」之選。
兩軍互撼入波例多

墨爾本勝利上季憑強大攻力，勇奪常規賽及季後賽冠軍，既然戰術有效，當然要繼續沿用，近3仗澳足盃攻入12球，包括以3比1擊敗阿德萊德聯，今仗再遇阿軍，絕對唔赦對手。事實上，兩隊近7次對賽有6次開大，其中5次總入球更達4球或以上，甚至出現1次「7+」。值得一提，墨爾本勝利上季首場聯賽曾大勝西悉尼流浪者4比1，之後順風順水捧盃，今仗自然想爭取大勝，振奮軍心，可望上演入球騷。