阿爾巴尼亞 搶W標美會

猪拉多纳

I組葡萄牙已穩奪小組首名，排第2得12分嘅丹麥亦已完成所有賽事，以1分落後丹麥嘅阿爾巴尼亞今晚只要作客擊敗包尾嘅阿美尼亞，便可歷史性首次躋身大賽決賽周，信客軍戰意及決心，捧客W。

（有線64及203台周一凌晨零時直播）

馬會喺今日中午12時先至提供今場賠率並開售，所以執筆時仲未知道相關賠率，不過預計非勝不可嘅阿爾巴尼亞會係賠率較熱嘅一方。由於對賽成績不及丹麥，阿爾巴尼亞假如不幸和波嘅話就只能排第3參加附加賽。

既然現時已經手握主動權，今仗一定搏攞3分。阿爾巴尼亞今屆作客先後擊敗葡萄牙及打和丹麥，兩場比賽都冇失波，表現對辦。相反阿美尼亞分組賽7戰不勝，陣中只有多蒙特中場米希達利恩較具級數，其他球員質素一般，例行公事不值睇好。
葡國無心作塞博半和

另一場葡萄牙作客鬥塞爾維亞係名副其實例行公事，所以葡萄牙已讓C朗拿度提早返回西班牙休息，冇咗呢名王牌葡萄牙想咬入對手都幾難，葡萄牙今屆3場作客歐國外都開半場和，不妨再追。

（有線61及201台周一凌晨零時直播）