|
評磅員眼光是否一定準確？他們的專業知識當然不用懷疑，但其實有時亦會出現「老貓燒鬚」情況，如出爭第一場的「龍子」，今季首四仗均得第三，但每次賽後卻一分不加，明顯不受重視，結果上仗在勞愛德胯下輕取「我跑得」二又四分三馬位，是否算是評磅員送大禮？
上季五月尾「龍子」初戴眼罩跑五班谷草一哩，配韋達負118磅下險勝「年年開心」頸位開齋，由於取勝距離短，故此接戰同程只加五分評三十分，可能因贏馬一役耗力過多，結果僅跑第七，落後頭馬「超理想」三個馬位。之後唞三個多星期再出，於田草1600米跑第三後歇暑；今季評三十分居五班起步，至今五戰錄得一冠四季，而且兩度配勞愛德得冠季各一，足證這次再跑首本谷草一哩連捷機會甚高，馬膽不作他選。
對手方面，吳廐「甜蜜至上」落班兼配韋達，查此對練騎季內合作十次交出兩冠一亞一季，捉路要防。「年年開心」及「華劍寶」均有近績支持，宜一併兼顧。
歐陽志恆 | 
金睛卡
发表于 2010-1-26 09:31
变色卡
显身卡