悅璐孖寶賀賢柏寶眼甘甘

聪明的白痴

賀賢馬房明日雖然只派四駒參戰，然而悉數由柏寶主轡，看此陣勢已擺明搏殺格。昨晨七時卅分，列陣第六場的「悅璐孖寶」由騎者親自快跳一課，賀賢在烽火台二樓舉鏡睇完，立刻走落隧道底接馬，兼且與柏寶邊行邊傾，直至行出機坪依然雞啄唔斷。柏寶落馬後，兩人目光繼續停留在戰駒身上不停地打量，直至由馬伕拉返倉後才離去，好似望少眼都唔得咁款，充分顯示今仗決心。