賠率有路捉：談笑用兵有飛變身

纯情小彩迷

    　相信好多馬迷對「談笑用兵」呢隻馬冇乜印象，事關元旦日才首次在港出賽，跑三班1200米，99倍跑第七，照計呢啲馬再出邊有人留意﹖但今日再出隔晚居然有飛，噚日四點W得六倍第三熱門，位置仲要係1.1，好肯定唔係普羅馬迷買落去。今日「談笑用兵」原庄配杜利萊跑番1200米，復課騎者好重視連操幾課，應該會有截然不同表現，小心變身。

　　仲有尾場大摩一對「比翼雙飛」同「醉味」都係久休，照計冇飛至啱，但前駒八倍W已經有飛，位置更係1.0。不單肯定呢隻係主力之餘，仲係好有信心。睇番大摩啱啱至有隻「新力勁」配馬偉昌底出，小心今日故技重施又用馬偉昌博「比翼雙飛」呀。

    　騎師王方面，柏寶同韋達均騎足十場，賠率又相差無幾，但睇真佢哋手馬實力唔及白德民平均，後者手握「高鳴」、「六六精英」、「同一世界」及「閒話一句」，有咁好賠率要買。

周仲