費倫主場唔使讓快入貨

猪拉多纳

今晚肥叔重心推介賽事，係意甲榜首大戰，一哥費倫天拿主場硬撼次席嘅羅馬，「雌狼」今季防守評級欠佳，剛喺歐聯大好形勢下遭利華古遜逼和更打擊士氣，今仗費倫天拿唔使讓波咁筍，大戶已經出手入定啲「紫百合」，不妨跟番多少。

（TVB 301周一凌晨1時直播）

正所謂進攻得民心，防守贏冠軍，更何況係以防守為王道嘅意甲，任你進攻幾叻都好，若果防守做得唔好，真係唔使旨意奪冠。作為一支爭標分子，羅馬今季嘅防線表現認真唔掂，開咧後8仗聯賽，只有1場保持清白之身，其餘3場歐聯場場有失波，包括上周中歐聯一度反先利華古遜4比2下，竟然喺最後6分鐘連失兩粒，慘遭逼和4比4，爆出250倍和其他波膽，真係前面入埋都唔夠後面輸，嚴重打擊士氣。因此「雌狼」喺意甲前列球隊中，防守評級進一步下滑。

相反，費倫天拿與國際米蘭只失6球，係現時失球最少嘅意甲球隊，而與攻力疲弱嘅國米相比，「紫百合」已轟入15球，做到攻守兼備，令佢哋喺兩方面嘅評級不斷提升，難怪依家位居榜首喇。睇嚟費倫天拿上輪輸畀拿玻里收到退熱之效，今仗初盤竟然開出平手盤，唔使讓波真係筍到暈，肥叔仲睇到大戶趁機買定啲「紫百合」，好似驚死遲啲買會轉讓平半蝕晒底，「紫百合」呢個平手盤真係值得捧場。
祖記跌Watt讓唔起

另一場較早時間開波嘅意甲祖雲達斯主場對阿特蘭大，「斑馬兵團」今季大跌Watt，由於聯賽失地太多，依家佢哋比較專注打好歐聯，阿特蘭大表現Sharp醒，聯賽排名仲高過祖記，祖記實在讓唔到球半咁多，一於撐下盤。

（TVB 301周日晚10時直播）