拉素勁揪主場攞A

猪拉多纳

意甲歐聯8戰全勝

意甲今晚有場重頭戲，由「意甲主場王」拉素喺自己地頭迎戰AC米蘭。雖然拉素上仗失手輸波，不過呢鋪佢哋重返主場出戰就唔同講法，一於直取1.81倍主勝。

（TVB301周一凌晨3:45直播）

拉素上仗作客以1:2敗走阿特蘭大，不過擁躉又唔使擔心嘅，皆因呢班波無論喺外面輸到點都好，一返到主場即時惡晒。連同歐洲賽在內，拉素今季8次主場出擊全部贏晒，單計意甲比賽就仲誇張，佢哋以5戰全勝成為聯賽唯一一支主場全勝球隊外，更勁揪嘅係只係錄得1粒失球，今仗正好砌低AC出氣。
AC積弱作客奇差

雖則AC連勝2場，狀態似有好轉，但要留意呢2場勝仗都喺主場攞到，「紅黑軍團」仲未改善到今季作客腳軟問題。AC今季5場意甲作客輸3場，而且輸畀同為名牌球隊嘅國際米蘭、費倫天拿嗰2場，仲要衰到連蛋都破唔到，加上主力前鋒文尼斯仲未好番，積弱多季嘅紅黑軍今仗想改寫自己，近4次嚟奧林匹克球場取得1和3負嘅不勝紀錄，邊有咁易吖！