|
今季總場次295田草四班1000米，「勁勇士」四檔起步出閘順利，不過前速一般，早段落後前領馬不少，但愈跑愈順，中段已進佔前領位置，末段加速反應凌厲，然而頭馬「萬事佳」實力太強，加上全程獨自走中檔，最後二百米外閃，只跑第二。至總場次332田草四班1000米，「勁勇士」亦排四檔，但形勢好過上仗，因為中段可拍住「家橋」而未有外閃，但白德民太老定，三百五十米才開始推騎，反觀「太極至尊」鞍上人勞愛德早在五百米發力，若非失了先機，相信不會輸短馬頭位。今次舊路重遊，應可一補上仗之失。
普梳王勁過超群如意
而在季內總場次321田草四班1400米，「普梳王」之前兩仗加眼罩跑1600、2000米，走勢仗好仗差，復課決定除去眼罩，賽前試草閘走勢出色，只不敵「福勝滿載」，到了陣上表現更好，出閘唔算快，但迅速跟守靚位，入最後彎位抄出二叠望空，潘頓見牠大把在手，遲遲才發力，直路初打了一下右手鞭已追近「蓬萊仙子」，之後改打左手鞭更愈衝愈勁，睇贏馬走勢，比起今戰最強對手「超群如意」更為出色。
Sam | 
金睛卡
发表于 2010-2-5 09:45
变色卡
显身卡