局內人： 薛寶力搏招財名駒

纯情小彩迷

　　第五場鄭俊偉馬房的「招財名駒」，是必拼之馬，因柏寶停賽，所以改配薛寶力，此君來港出任公司騎師之後，尚未有頭馬見面，餓馬已久，今次難得有實力馬在手，必會盡力拼搏，以博取幕後人信任。「招財名駒」已踏入大熟大勇之期，泥草皆宜，今次與「永旺財」狹路相逢，上次「永旺財」憑輕磅之利放返，「招財名駒」後追跑第二，今番「永旺財」要加重五磅上陣，「招財名駒」能跟能鬥，只要不讓對手放甩，以其強勁後追力，今回有機會一雪前恥。

　　蔡約翰馬房今日有多駒上陣，馬房中人比較睇好第二場「越跑越有」，此駒雖然質素不算很高，但在四班實力亦足夠，經過季內兩戰熱身之後，復課收身更靚，馬身肌肉結實，上仗1400 米雖然只跑第四，但所負距離不足一個身位，可知狀態已在勇境，今次乘勇再來，排檔又好，對手實力不是太強，形勢睇得通透，已到交代時候。

　　蔡廐另一匹實力馬，是頭場的「盈彩繽紛」，這匹質新馬潛力不弱，但目前成熟程度未十足，只得七八成水準，今日初出，只可視作配腳之材。此外，第八場「好日子」亦分量十足，最近兩仗，先跑1400米，上仗則跑1600米，逐步增程，乃蔡約翰一貫搏馬手法，今次跑1800米，才是「好日子」最擅長的途程，馬已跑起了鬥心，強手已去，機會坐二望一。

梁杰