捧俄羅斯W

猪拉多纳

葡萄牙冇C朗多數死火

兩支已經攞到歐國盃決賽周入場券嘅球隊，俄羅斯同葡萄牙今晚會進行「拍跳」。葡萄牙今仗有基斯均坦朗拿度（C朗）同多位主力冇入選，球隊攻擊力大受影響，面對陣容相對較完整嘅俄羅斯難望攞到甜頭，阿謙睇好俄軍可以喺主場贏波，今仗捧主勝。

（周六晚上10時開賽）

俄羅斯喺歐國盃外圍賽G組排喺榜首奧地利之後，以次名取得直接出線資格，球隊喺主場嘅表現其實唔差，近4仗都順利贏波，可見呢班波喺自己地頭出戰相當醒神。俄羅斯今次點兵同上次對外圍賽對黑山分別唔大，只有中場沙托夫、泰拉索夫同上場對黑山有波入嘅射手高哥連分別因傷及其他原因落選，其餘主力好似中場丹尼素夫、舒洛哥夫、迪沙高耶夫同前鋒迪斯尤巴全部列陣，擺明好想喺主場贏波冧球迷。
二線前鋒惡唔出樣

葡萄牙喺歐國盃外圍賽I組雖以首名出線，但球隊表現其實並唔突出，就算擊敗好似阿美尼亞嘅弱旅都係僅勝1球，面對次名嘅阿爾巴尼亞更加主客都贏唔到，取得首名只因為丹麥同塞爾維亞齊齊失準所致。葡軍今仗點兵大部分都係新人，除C朗外摩天奴同安祖高美斯皆因傷缺陣，而米基爾維洛素、丹尼艾維斯、哥利斯馬同法比奧干查奧都冇入選，經驗較豐富嘅只有拿尼、比比同埋般奴艾維斯，前鋒更只係選咗英冠諾定咸森林嘅內森奧利華同錫周三嘅魯卡斯祖奧兩位新丁，要攻破俄羅斯大門一啲都唔易，加上熱身賽作客戰意成疑，都係捧主勝最明智。