局內人：電子金麟谷起攞彩

纯情小彩迷

　　蔡約翰馬房一早部署重兵，預備在今日賀歲賽連場搏殺，希望馬主們可以在今日攞頭彩。馬房中人透露，蔡廐戰馬中，最具爭勝機會的是「歡樂繽紛」、「安御」、「魄力寶」與「勇敢小子」四駒，如果好運的話，連場報捷並不為奇。

　　第二場「電子金麟」有潛質，牠來港至今已踏入第三季才上陣，皆因之前腳患纏身，但牠現時成熟已足，季內跑過一場之後，可以立即復課操磨，證明腳患已好轉，近期有火有力，毛色轉靚，明顯已谷起勇態，今次乘勇而來，增程跑1200 米更合，有力爭入三甲。

　　另外，蔡廐尾場「國寶」亦質新當勇，今次雖然升上三班作賽，但負磅減輕十九磅之多，韋達超兩磅亦要騎，可見機會不弱，亦有機會爭入一席配腳。

芙蓉威龍收復前失

　　賀賢馬房方面，則謂第三場「芙蓉威龍」可以爭勝，此駒上仗初跑1400米亦跑得第二，如非起步受擠而失地，相信會有更接近的演出，可能戰果亦要改寫，馬房中人認為此駒是一匹早熟馬，潛力非凡，拼後收身更靚，狀態更勝上回，有極大機會取勝。

　　馬房中人透露，除了「芙蓉威龍」可以爭勝之外，第二場「雙辣」亦要留意，此駒已踏入大熟期，跑1000米已嫌短，因為牠現時落腳轉慢，前速已不如前，但跑順後會有頗強的加速力，所以今次增程跑1200米，應是最適當的決定，今仗排檔又好，復由柏寶親自操刀，戰鬥力增強，應可爭入三甲。

梁杰