磐田衝日職齊心搶3「分」

猪拉多纳

日乙最後一戰！

大宮松鼠提前封王，今日煞科嘅日乙，焦點完全去晒邊隊攞亞軍，能夠直接升上日職，目前排第二位嘅磐田山葉，今日只要作客擊敗大分三神，就可以次名衝線，呢個讓半一嘅1.88倍上盤，點可以唔博呀！

（開賽時間：周一下午1:00）

依家磐田雖然與福岡黃蜂同係79積分，但係佢哋嘅淨得球多黃蜂5球，今日就算小勝1:0全取3分，黃蜂客場又炒唔到FC岐阜6球或以上嘅話，磐田都可以重返日職。老實講，歧阜史上對過黃蜂15次，至大鑊都只係主場輸3粒，除非出蠱惑嘅啫，否則點輸到6、7球吖，所以磐田首要目標只係贏波。
旗下欖球隊出動打氣

講到爭升班呢瓣，磐田真係好有決心，佢哋個主帥名波浩上場對FC橫濱之前爸爸名波元一過咗身，佢一樣隻字不提，打完波至同球員講，就係為咗唔影響班人心情決心升班，事關佢老爸係磐田Fans，本來當日都計劃睇波，同班球員好Friend。再者，磐田幕後大老闆山葉集團都好重視今場波，賽前仲安排咗欖球頂級聯賽球隊山葉發動機班大隻佬，一齊去幫足球隊打氣，反映咗磐田成個機構都上下一心。
三神肯定尾二收場

雖然磐田件前鋒保夫萊特未知趕唔趕得切復出，但係對手大分已經肯定尾二收場，需要踢日乙護級附加賽對日丙季軍，今場搏嚟都冇用，未必肯幫黃蜂打江山，都係博磐田上盤啦。