基達菲博反彈盡砌華歷簡奴

猪拉多纳

基達菲近3仗不勝，士氣跌落谷底，今仗回師主場對華歷簡奴，梗係想一反頹勢、重響勝鼓。事關對手華歷簡奴傷停問題都幾嚴重，而且近期作客連輸3場，攻守都唔穩，一於捧2.25倍嘅主W，撐基達菲小勝一場啦！

（now632台周二凌晨3:30直播）

基達菲最近連輸3場，不過對手係西維爾、巴塞隆拿同今季冒起嘅伊巴，實力根本同佢哋冇得比，輸波都好正常。佢哋今場雖然有中場阿歷西斯同右閘達美安蘇亞雷斯坐波監，好彩箭頭域陀洛迪古斯重拾射門鞋，上仗對巴塞都入到1粒，實力唔嘢小，今仗贏波真係靠晒佢咯。
華歷簡奴3件後防避戰

作客嘅華歷簡奴傷兵滿營，今場除咗守將薛卡斯度停賽外，門將東奴又重傷要抖6個月，後衞雷特又喺國際賽周期間，代表羅馬尼亞時整親膊頭要抖成個月。佢哋依家個陣咁殘，而且作客仲連輸3場，冇贏波本錢，一於博主勝。