洪禮賢講馬：八運寶穩陣

纯情小彩迷

　　第六場一班1200米。「八運寶」獨沽一味只識贏此程，其他路程唔係跑到呼吸有異，就係「片」到騎唔到，但一返到此程，閉上眼也應付到，的確係路程專家。經過三場田草捱打的賽事後，又等到正宗路程，基本上唔會放過黃金機會；用蘇仔減輕負荷，排檔唔曳，唔贏都有Ｐ。

　　第七場三班1650米。「開心歡樂」直落三Ｗ，贏到唔信，雖則剛仗全程內欄咬好位，返嚟只係贏少少，一來，本身谷草經驗唔多，二來，喺佢後面那堆唔係易頂嘅馬，「易搏贏」、「沙貝利」、「寶貝王子」等等，所以唔使太介意險勝的賽績。今場跑高半班，但有權繼續食到形勢，要入一席唔難。