|
望落今期騎師手上兵力，似乎係兩公婆見鬼的格局，唔係你就我，所指嘅係柏寶同阿勞，大家都係騎晒咁多場，攞分籌碼亦咁上吓。小將方面，楊明綸也有不錯的坐騎，隨時有驚喜。
重心場次
第6場 第一班（110-85分） 1200米
八運寶1200米強中強，先在季初造出超快時間掄元（今季逾50場此程最快），之後在極蝕章的走位情況下再攞多1W，締速季內第三快，總之兩場勝仗唔係尋常賽駒可辦得到﹔隔了幾場田草，跑成點唔使理，只求保持運動量程序。而今賽前工夫完全唔同晒，對準強項，用小將減輕負荷，如非小蘇發揮不稱職，冇Ｗ有Ｐ。「點心」剛仗發揮不好，或是硬性執行指示的後遺症，但輸得不遠反映狀態已跑起，回到九戰得2W5Q的此程，仲有埋一檔之利，又突然用主帥（今季未試過），應有決心。「開心風采」內檔及近績準，已是兩大賣點。
「虎虎生輝」如不是十檔，可能會做膽，因上場贏來有兩段力，係進步表現。「紅衣司令」級數最高，假假哋兩仗前在短途預賽拍住「同一世界」過終點，就算配搭陌生，可能仲好分，呢一注唔好吝嗇。「威利多多」排十一檔，隨時又大波勾。「高點」剛仗Ｐ都冇，幾失望，且看減磅後會否惡番，邊線馬。
第1場 第五班（40-0分）1650米
穩操勝算加程、加配件及換人，大概已反映練者的決心，除非沒有一哩的氣量，如果韌力冇問題，三甲應有。「好利高」唔退役，等咩先﹗﹖今場多減幾磅，檔位唔曳，希望有點威脅。
「龍子」和「我跑得」隔夜近乎冇飛，以牠們的賽績，邊有可能十倍有多，又係「軒士」乎﹖如要二揀一，後駒較佳。「火鳳凰」剛仗那個季軍唔覺出色。「華劍寶」贏來贏去仍是中磅，計數賺唔少。「浪漫添馬」1800米可能最好，此程驚撻唔起。「紫荊」返緊嚟，很快現形。
第2場 第四班（60-40分）1200米
質超駒上場已指出用小將夠power，贏來驚險因望空遲，今場加磅不多，對手又差唔多，追多場。「奇蹟」四班長期有碇企，重磅也不怕，檔好也有很大幫助。
「萬人迷」講了好多次，分數再下調才有勝望，呢次有Ｐ則唔奇。「好玩」來到季中漸漸輸得唔脫節，已入了「禁區」就起腳了。「家橋」如不是遇到前駒，或會加入考慮。「加州首長」1000米明短都追得好，跑長二百米冇理由差咗。「金巴利來」等緊佢加程。
第3場 第四班（60-40分）1800米
共同努力剛仗初跑谷草輸足一條街，因早段外檔留唔住，之後段段跑錯晒，根本唔代表什麼﹔用主帥而加程，仲要排內檔，統統係好的轉變，究竟兩仗前是否符碌之作，今場會知了。「廣友名駒」四班長途勁旅，揀開唔會放手。
「福到多多」肯留同放頭，效果差距一億咁遠﹗呢次檔位唔差，繼續用巫斯義，應叠埋心水爆尾段，而此程則應冇問題。「勝利福星」1800米與大長途不一樣，威力會減多少，尊重新勝而已。「全能」應該唔係一招了，何況上場贏得漂亮。
第4場 第三班（80-60分）1000米
馬之王縮落此程，總好過跑尾場撞正幾隻老虎，加上本身唔鬥得，跑短二百米更具殺着。「同心威駿」贏同程時間快，乃第二勢力。
「金鑽龍華」冇痰的話，喺度唔會冇得揮。「皇仁神駒」目前谷草把握遠較田草大得多。「風之子」依然排外檔，處境唔就可能拖垮，位望居多。「永利多」太輕磅，未必冇能力以下犯上。「大旋風」呢程未必啱衝，這次十檔已不同上回了。
第5場 第一班（105-80分）1650米
特寶樂休出段段快，還要沿途畀對手燒住，返嚟一樣贏到對手食塵，姿態好犀利，本身又係好開繼續好嘅馬，不難再Ｗ。「創佳績」耆英級路程專家，來到季中仍然有兩腳，之前仲要唞過，整體條件比同場大部分對手理想。
「金碧亮馬」三場田草呃晒，以為分數差唔多，點知一返谷草完全係第二隻馬，今場負115磅，可能仲惡。「好開心」冇馬走，如慢放，或可偷雞。摩廐三駒之中，「長有」較可取。
第7場 第三班（85-60分）1650米
開心歡樂直落贏三場，拼出一股勢頭，望落這次整體條件唔見得比上賽唔同，仍可看重。
「暢蝦王」回到三班，檔位唔再差，發揮及取位上不會綁手綁腳，交出前仗水準，不勝有位。「精彩生輝」加程至一哩，冇可能威力會差過短途，尤其打得王牌嚟跑（季內兩場冇Ｗ有P），梗有把握。「好兄弟」每季第三回合冇Ｗ也有Ｑ，信數據要揀。「士多啤梨」一哩步速不似長途，唔係咁啱佢放。「億銘之寶」和「好德煌」唔覺有冠軍相，但唔排除有Ｐ。
第8場 第三班（85-60分）1200米
美猴王上場唔係直路攞錯跑線，1000米嫌短都贏，騎者責無旁貸﹔今場返回正宗路程，出動到柏寶，實搏甩髀。
「龍武軍」、「紅封包」和「特好」路程好、往績出色，又爭緊挑戰盃，要拖。「勁有利」初跑谷草贏來有驚喜，呢次唔轉路程及有一檔之利，應仍有胃口。「星火燎原」強化配搭係好事，大冷可拖一注。「化工之昇」連仗失望，完全跑唔番上季贏馬水準。「應變計劃」及「桃李滿門」此程不及1000米正宗。 | 
金睛卡
发表于 2010-2-24 05:48
变色卡
显身卡