|
今季總場次353田草三班2000米，「神風先驅」馬勇路合排埋二檔，不過韋達老貓燒鬚，出閘應聲彈出本來抵讚，點知未再推騎而留後，主動之馬用唔到最佳跑法，不久已搶口，人馬角力下韋達都拉唔住，至對面直路惟有畀佢走，走出第三叠拍住「飛快勇」，本來前邊有隻「頭盤」遮擋一下，惜不久後駒上前，結果之後全程望空，重口馬留得更辛苦，加上大半程走三叠蝕位無數，終拼敗而回。周日再度縮程跑1600米，前仗同程獲季軍可見路合，力足補中。
年年如意寶尾唔怕追
而在季內總場次396田草五班1600米，「年年如意」出閘唔快，早段不斷推騎才跟住馬群，守在尾二，但唔入內欄而走二叠，轉彎中段開始抄出外檔，入直路更走出大外叠，起初推騎反應已不俗，然而三百米處外側「高高的」內閃，「年年如意」因而被阻勒避，好彩馬匹鬥心強，回氣再上交出更強衝刺，在外檔逢馬過馬，末段締速廿三秒九全場最快，且快過第二快的「百笑」○點四秒，難得賽後僅被加五分，優勢依然極大，今次乘勇匆匆再出兼1800米更合，寶尾亦要追。
Sam | 
金睛卡
发表于 2010-2-26 05:35
变色卡
显身卡