愛華頓遭諾域治逼和1:1

猪拉多纳

尋晚英超早場，愛華頓盧卡古雖有士哥卻頻頻失機，作客被諾域治逼和1:1。盧卡古今仗開賽僅15分鐘，就接應迪路菲奧嘅右路傳中，力壓對手勁頂破網成1:0，可惜「小魔獸」其後頻頻失機，令愛華頓未能進一步拋離。易邊後僅2分鐘，諾域治嘅賴恩賓納特頭槌攻門，巴克里門前解圍不遠，被荷拉漢篤入追成1:1，雙方握手言和。
日媒稱阿里巴巴欲收購曼聯

至於曼城中場耶耶托尼，就力壓巴謙美、奧巴美揚等球星，獲球迷投票選為英國廣播公司（BBC）本年度非洲最佳球員，亦係繼奧高查同簡奴後，第3位兩獲呢項殊榮嘅球員。曼城早前獲中資入股成為熱話，其同市死敵曼聯亦有機會「染紅」，日本傳媒《東京體育》爆料，FC廣州班主之一嘅馬雲，旗下集團阿里巴巴E-Auto早前成為世冠盃贊助商後，準備用200至250億港元收購英超豪門曼聯，打造足球王國。