金石盟專欄：勇敢小子夠壯

纯情小彩迷

　　昨晨最後試跑，跳馬細水長流，周三晚身體不適退下火線的潘頓已見復課，並先後出試「怡勝」、「易搏贏」及「勁快」等駒。

　　「勇敢小子」蔡約翰試四百米，按韁慢跑，身強體壯，彈力十足，近況無懈可擊。

　　「太極至尊」副練試四百米，四蹄揮灑自如，一身是勁，進度理想，狀態對辦。

　　「清新空氣」鄭雨滇試四百米，型格漂亮，腳法純熟，收身恰好，已可及鋒而試。

　　「靚好聲」副練試八百米，助手策「新三刀王」相伴，前駒貼欄佔先半乘左右帶放，電算機前一度被廐侶追及，奮勇爭先，鬥心頑強，最終贏半乘而回，走勢矯健，健康冇問題，好過上賽。

　　「勁快」潘頓試八百米，灑開大步而回，出腳挺勁，身輕體健，勇況更盛。

　　「軍士」助手試四百米，緊韁扣實，從容淡定，腳勁十足，饒富火氣，愈磨愈利。

　　「易搏贏」潘頓試四百米，落腳輕巧，朝氣勃勃，成熟與狀態俱邁進一步。

　　「自由好」助手試四百米，沿外欄漫步，身壯力強，神態活躍，操養得宜，勇態撩人。

　　「好爸爸」告達理試八百米，走勢硬朗，衝刺凌厲，肌肉線條分明，一樣咁靚。

　　「勁飛馳」副練試千二米，助手策「孖寶神駒」相伴，前駒採取主動佔先一乘帶放，後駒亦步亦趨，入直路均加快步伐，「勁飛馳」受到挑戰下奮力抗衡到底，以半乘壓住廐侶過終點，體健神清，走來有聲有色，早已操好有態。

　　「怡勝」潘頓試八百米，步整有力，神態活躍，體力猶充沛，勇況持續有餘。

　　「嘉寶神駒」副練試千二米，全程拉到有少少岳頭兼口擘擘，火旺神生，未見低落。