抽位靚跑得仲叻

纯情小彩迷

沈集成今晚出馬四匹，不乏近績理想分子。新勝馬「跑得叻」原班人馬續爭贏馬路程，練者原擬打鐵趁熱，安排此駒上周三匆匆再出，但礙於當晚跑馬地百萬挑戰盃高手林立，避重就輕才部署抖多一星期，他相信馬匹有力再勝一仗。
今季升班作賽的「跑得叻」，剛戰取得首場三班頭馬，最難得的是抽十二檔照贏，今回檔位內移，沈集成認為有力扶搖直上。他說：「『跑得叻』今季愈跑愈進步，絕對有力站穩三班，上場爆冷贏馬非意外。此駒之前跑慣一千米，剛戰增程兼排大外檔仍勝，足證氣量及體能較以往更成熟。勝後狀態依然勇銳，今場排靚位形勢非常樂觀，同場對手非強，連捷望濃。」
 
跑得叻剛戰終於攻陷三班，克服大外檔更難能可貴。
 
 
帶利財子抖夠更弗
 

沈集成又睇好另一匹機會馬「帶利財子」，他續說：「『帶利財子』谷戰表現出色，前仗在此打開勝門，再出亦僅以頭位見負，反映評分依然有利。鑑於之前已連番拚搏，特意安排小休養精蓄銳，埋門狀態更勝前時，改配蘇狄雄再減多三磅，爭勝機會可看高一線。」