沙特實力升呢有鑊氣

猪拉多纳

泰國首次入圍交學費

今晚U23亞洲盃展開B、C組賽事，B組上屆亞軍沙特阿拉伯U23出戰泰國U23！沙特請來荷蘭青訓名帥科斯達改造球隊，實力進一步「升呢」，今屆捲土重來，對冠軍志在必得。反觀泰國首次打入決賽周，經驗輸一大截，今次參賽難免要先交一大筆「學費」，直取沙特阿拉伯U23讓球主勝。

（now 671周四凌晨零時30分直播）

上屆賽事由阿曼主辦，結果西亞球隊佔得地利，喺4強之中佔得3席；雖然今屆大戰移師卡塔爾舉行，但西亞球隊仍然佔有地利優勢，值得睇高一線。更何況沙特阿拉伯足球水平屬於亞洲一線，沙特U23上屆決賽0比1不敵伊拉克，屈居第二的確可惜，該國足總為一嘗呢項錦標冠軍滋味，早前聘請科斯達領軍。
科斯達青訓有一手

現年61歲嘅科斯達曾執教阿積士青年軍及荷蘭U21國家隊，青訓工作經驗豐富，之前仲教過德甲球隊史特加及阿積士一隊，講資歷屬於今屆各隊主帥之冠。沙特有科斯達指揮作戰，勢必如虎添翼，首仗必力爭大勝壯聲威。

至於泰國U23首次出席U23亞洲盃決賽周，佢哋喺外圍賽3戰2勝1和，僅以其中1支最佳次名隊伍獲得出線，被認為係B組最弱球隊。泰國本身實力已低一班波，今次仲要遠赴卡塔爾比賽，面對如狼似虎嘅沙特阿拉伯只能輸少當贏。