洪禮賢講馬：吼朝東之寶

纯情小彩迷

　　第九場二班1600米。「朝東之寶」季內整體賽績唔算特別吸引，贏過一場咁大把，同埋有個Ｐ，但放諸今場已夠照。當然，佢贏「喜盛龍」一役，表現勁到好似唔係太逼真，末段21秒84，一陣風咁過晒，「電子麒麟」孖生兄弟乎？所以之後再無咁勁，但上場若果唔係被塞到最後250米，點都會有Ｑ，計正目前在此班係有得跑，求一席位置唔難。

　　第十場三班1400米。「歡呼星」上場初次跑此程，沿途慳埋慳埋，直路都唔夠爆，要怪只怪頭馬「雅雪」太勁，但佢本身都彈甩一對之後串Ｑ返嚟嘅「馬主精英」和「傳奇快車」，水準可知。今場對手唔多覺有阿雪之流，跑得番水準冇Ｗ有Ｐ。