賠率有路捉：強駒位置早飛大熱

纯情小彩迷

　　今日打吡大賽，居然見到第四場薛順強「強駒」有飛，噚日四點獨贏只得八倍，拍得住上仗非冠即亞嘅「奇葩」同「香檳王」，而且位置仲要係兩倍大熱。睇番「強駒」上鋪喺薛順強胯下跑同程1400米，仲係20倍冷門，真係唔知何方神聖咁有信心。

　　不過「強駒」今季同程跑贏「高智慧」及「鵬力洋洋」，而且閘前瘋狂落飛，證明只要一聲令下隨時可勝，既然噚日早飛有古怪，一於捧場。

　　第九場「瀟洒叻龍」早飛位置亦好硬淨，P一度係22蚊大熱。前仗田草放入大冷P，證明沙田一樣啱發揮，上鋪巫斯義不放而留，敗不可作準。今戰用番華將，估計實搶放，小心又施冷箭呀。

　　騎師王方面，柏寶騎七場，仲熱過有九匹坐騎嘅韋達，真係要信開盤手眼光。睇真啲柏寶手握「精密紡」、「穩操勝算」、「蓋世子牙」、「一團威」同「歡呼星」，贏面確實大。

周仲