上港征澳晒冷不勝無歸

猪拉多纳

亞冠盃G組，另一支中超豪門上海ＳＰ（上海上港）作客澳職球隊墨爾本勝利。上海SP由前英格蘭國家隊領隊艾歷臣執教，上季中超僅以2分之微居局ＦＣ廣州之下，獲得亞軍，今季積極增兵，簽入ＦＣ廣州射手艾傑臣，配合另一位前ＦＣ廣州猛將孔卡，以及加納國腳基恩，屬亞洲一線陣容。上海ＳＰ小讓平半，上盤抵玩。

（周三下午4時45分開賽）

銀彈策略支持下，上海ＳＰ迅速冒起，並首次獲得亞冠盃資格，第3圈外圍賽大勝泰國球隊蒙通聯。上海ＳＰ堪稱「翻版ＦＣ廣州」，除咗聘請名帥艾歷臣領軍之外，兩位主力孔卡、艾傑臣曾經聯手協助ＦＣ廣州奪得2013年中超及亞冠盃冠軍，闊別3年再次合作，相信默契唔成問題。
墨爾本勝利近況跌Watt

另一位球星基恩效力過烏甸尼斯、新特蘭等歐洲球會，佢效力阿聯酋球隊艾阿恩期間，曾於亞冠盃轟入18球，踢呢項賽事超晒班，呢個鐵三角今仗要撕開墨爾本勝利防線並唔困難。墨爾本勝利近況曳，已經連續4場澳職不勝，剛於上仗主場輸畀阿德萊德聯，招架唔住來勢洶洶嘅上海ＳＰ。