李城主場慢熱吼半和

猪拉多纳

隨住球隊上仗絕殺諾域治全取3分，李斯特城得以繼續喺英超領導群雄。今晚呢隻「狐狸」再度喺主場出擊，迎戰近況有起色嘅西布朗，理應可再下一城。不過球隊主場表現慢熱，加上一眾鋒將狀況回落，相信半場難以取得領先優勢，2.15倍半場和抵玩。

（now621台周三凌晨3:45直播）
華迪跌Watt 搶攻西布朗乏力

熱刺上仗反勝史雲斯2:1，令榜首李斯特城暫時只以2分壓住對手，「一哥」之位未算穩陣，呢鋪主場出擊肯定以3分為目標。之不過「狐狸」喺自己地頭踢聯賽特別慢熱，近5場聯賽主場開出4口半場和，加上首席射手占美華迪狀態有所回落，近3仗只攻入1球12碼，另一前線拍檔岡崎慎司亦非多產射手，李斯特城想打開紀錄都唔係咁易。

對手西布朗近期聯賽回勇取得2連勝，球員信心大大增強，呢班波近5場聯賽有4鋪未曾喺換邊前失守，可見防線有一定韌力，考慮埋佢哋今季命中目標次數偏低，聯賽27戰得82次射中目標，即係平均每仗只得3腳埋門中目標，怕且都冇乜機會偷到雞，兩軍同缺強攻本錢，半場和仲唔係最佳選擇？